تۆدۆر باسی ئامانجەکانی یۆڤانتۆس دەکات

AM:09:43:25/08/2025

92 جار خوێندراوەتەوە

+ -

تۆدۆر ئاماژەی بەوەکرد لە ئاستی یاریزانەکانی رازی بووە و دڵنیایە لەوەی ئەم وەرزە رکابەری بردنەوەی نازناوەکان دەکەن.

ئیگۆر تۆدۆری راهێنەری یۆڤانتۆس پاش بردنەوەیان لە پارما وتی دڵخۆشم لەگەڵ پێکهاتەیەکی زۆرباش کاردەکەم کە یاریزانی لاو و بەئەزموونی تێدایە.

وتیشی ئەم بردنەوەیە وەڵامێک بوو بۆئەو کەسانەی پێیان وایە لەم وەرزەدا ناتوانین ئاستی بەرز پێشکەش بکەین.

راهێنەرە کرواتییەکە جەختی لەوەکردەوە کە بەگشتی لە ئاستی یاریزانەکانی رازی بووە و دڵنیاشە لەوەی ئەم وەرزە دەتوانن رکابەری بردنەوەی سەرجەم نازناوەکان بکەن.

سەبارەت بە کەسی یەکەمی لێدانە سزاکان ئەوەی ئاشکراکرد کە لۆکاتێلی ئەزموونێکی باشی هەیە گونجاوە بۆئەو کارە بەڵام یەڵدز و چەندین یاریزانیتر هەن کەدەتوانن بەباشی ئەنجامی بدەن هەربۆیە بابەتێکی زۆر گرنگ نییە.

تۆدۆر ئاماژەی بەوەشکرد کە خواستێکی زۆری هەیە بۆمانەوەی دۆسان ڤلاهۆڤیچ و هیوادارە لەگەڵیان بەردەوامبێت.

لە کۆتاییدا ئیگۆر تۆدۆر وتی لە پێناو بەدەست هێنانی نازناو دڵخۆشکردنی هاندەرانی یانەکەدا بەتەواوی دەجەنگین.