PM:04:56:28/06/2025
208 جار خوێندراوەتەوە
+
-
میلان گرێبەستی والکەری نەکردە هەمیشەیی و
یاریزانەکە بە ناچاری گەڕایەوە مانچستەر سیتی.
یانەی ئەی سی میلانی ئیتاڵی لە ئەژماری
تایبەت بە خۆیان لە تۆڕی کۆمەڵایەتی ئێکس ماڵئاواییان لە کایل والکەری بەرگریکاری
ئینگلیزی یانەکەیان کرد و سوپاسی خزمەتەکانی ئەو یاریزانەشیان کردووە.
یانە ئیتاڵییەکە لە کۆتاییدا بڕیاریاندا
کە گرێبەستەکەی کایل والکەر نەکەنە هەمیشەیی و کۆتایی بەماوەی خواستنەکەی بهێنن و
ئەو یاریزانەش بە ناچاری دەگەڕێتەوە مانچستەر سیتی.
بەرگریکارە ئینگلیزییەکە لە مانگی یەکی
ئەمساڵ بە خواستنی شەش مانگ و دواتر مافی کڕینەوەی لە مان سیتیەوە پەیوەندی کرد بە
ئەی سی میلانەوە بەڵام یانە ئیتاڵییەکە گرێبەستەکەی نەکردە هەمیشەیی.
والکەر لەم وەرزەدا بەشداری لە 16 یاریی ئەی
سی میلان کرد لەسەرجەم پاڵەوانیتییەکاندا و هیچ گۆڵ و ئەسیستێکی نەبووە، نازناویشی
لەگەڵدا بەدەستنەهێنا.
لە ئێستاشدا داهاتووی ئەو یاریزانە بە
نادیاری ماوەتەوە بەهۆی ئەوەی پیپ گواردیۆلا بە هیچ شێوەیەک رێگا بە گەڕانەوەی نادات
بۆ مان سیتی، لە ماوەی رابردووشدا، بەرپرسانی ئیڤەرتۆن هەوڵی گواستنەوەیان داوە.
پێشتریش یانەی ئەی سی میلان ئاشکرایانکرد
کە هەردوو یاریزان جواو فیلیکسی پورتوگالی و ریکاردۆی ئیتاڵی ریزەکانی یانەکەیان
جێدەهێڵین دوای تەواو بوونی ماوەی خواستنەکەیان.
خ . ک