PM:03:27:28/06/2025
212 جار خوێندراوەتەوە
+
-
بەرپرسانی نەسڕ بەنیازن جیسۆس بکەنە
راهێنەری یانەکەیان و چاوەڕێی وەڵامی دەکەن.
رۆژنامەی ریازیەی سعودی بڵاویکردەوە، بەرپرسانی
یانەی نەسڕ لە ئێستاوە هەوڵەکانیان دەستپێکردووەە بەمەبەستی دیاریکردنی راهێنەرێکی
نوێ بۆ شوێنگرتنەوەی ستیفانۆ پیۆلی.
ئەو رۆژنامەیە ئاشكرایکردووە، یانە
سعودییەکە ئۆفەرێکی فەرمیان بە مووچەی ساڵانەی حەوت ملیۆن یۆرۆ پێشکەشی خۆرخی
جیسۆسی پورتوگالی و راهێنەری پێشووی یانەی هیلال کردووە.
ئاماژەی بەوەشداوە، کارگێڕی نەسڕ
ئامانجیان ئەوەیە سوود لە ئەزمونە زۆرەکەی راهێنەرە پورتوگالییەکە ببینن کە ماوەی
چەندین ساڵە لە خولی سعودییدا هەیەتی تا بتوانێت وەرزی داهاتوو یانەکەیان
بگەڕێنێتەوە بۆ بردنەوەی نازناوەکان.
دەشڵێت، لە ئێستادا یانەی نەسڕ چاوەڕێی
وەڵامی جیسۆس دەکەن تا بزانن رازیدەبێت بە وەرگرتنی ئەرکی راهێنەرایەتی یانەکەیان
لە شوێنی ستیفانۆ پیۆلی کە لە چەند رۆژی رابردوودا لە ئەرکەکەی دوورخرایەوە.
رونیشیکردووەتەوە، جیسۆس چەند مەرجێکی
داناوە بۆ نەسڕ تا ببێتە راهێنەری یانەکەیان و داوای کردووە دەستبەرداری چەند
یاریزانێک ببن کە گرنگترینیان ئۆتاڤیۆی پورتوگالی و پینتۆی گۆڵچی بەرازیلین.
خ . ک