PM:03:13:24/06/2025
168 جار خوێندراوەتەوە
+
-
سینەر لە پێشەنگی ریزبەندیدا مایەوە و
ئەلکاراز جیاوازیەکەی کەم کردەوە و سابالێنکاش باشترینی کچانە.
رابیتەی یاریزانانی تێنسی سەرزەوی،
نوێترین ریزبەندی جیهانی بڵاوکردەوە، یانیک سینەری ئیتاڵی لە پێشەنگی ریزبەندی
جیهاندا مایەوە هەرچەندە خاڵەکانی بۆ 10 هەزار و 430 خاڵ دابەزیوە.
کارلۆس ئەلکارازی ئیسپانیش لە پلەی دووەمی
ریزبەندییدایە و خاوەنی نۆ هەزار و 300 خاڵە و جیاوازیەکەی لەگەڵ سینەری پێشەنگ
کەمکردەوە بەتایبەت دوای بەدەستهێنانی نازناوەکانی رۆلان گارۆس و کوێنز.
ئەلیکساندەر زڤیرێڤی ئەڵمانیش لە پلەی
سێیەمی ریزبەندییەکەدا مایەوە بە کۆکردنەوەی شەش هەزار و 500 خاڵ، جاک دراپەریش
دوو پلە چووە پێشەوە و ئێستاش لە پلەی چوارەمی ریزبەندیدایە.
هەریەکە لە تایلۆر فرێتز و نۆڤاک جۆکۆڤیچ
دابەزین بۆ پلەکانی پێنجەم و شەشەم، مۆسێتی لە پلەی حەوتەمدا مایەوە، هولگەر رۆن
چووە پلەی هەشتەم و مێدڤیدێڤیش گەڕایەوە 10 پلەی یەکەمی ریزبەندی جیهان.
لەسەر ئاستی کچانیش، ئارینا سابالێنکای
بیلاڕوسی پارێزگاری لە پێشەنگی ریزبەندی کرد و خاوەنی 11 هەزار و 640 خاڵە بە
جیاوازی چوار هەزار خاڵ لەگەڵ کۆکۆ گاوفی ئەمریکی.
خ . ک