سەردێڕ:

جموجۆڵەکانى چەکدارانى داعش لە گوندەکانى بنارى قەرەچوغ زیادیانکردووە

چه‌ند گوندێكی بناری چیای قه‌ره‌چووغ كه‌ درێژییه‌كه‌ی ٢٥ تا ٣٠ كیلۆمه‌تره،‌ چەکدارانی داعشی تیادا کۆبوونەتەوە
فۆتۆ: ئەرشیڤ
2018-11-15

12776 جار خوێندراوەتەوە

ماوەیەکە جموجۆڵی چەکدارانی داعش لە گوندەكانی بناری قەرەچوغ له‌ سنوری مه‌خمور زیادیانكردووە و ئێستا چه‌ند گوندێكی بناری چیای قه‌ره‌چووغ كه‌ درێژییه‌كه‌ی ٢٥ تا ٣٠ كیلۆمه‌تره،‌ چەکدارانی داعشی تیادا کۆبوونەتەوە و له‌م ماوه‌یه‌شدا وێڕای بۆردومانی فڕۆكه‌ جه‌نگییه‌كانی هاوپه‌یمانان كه‌ چه‌ندجارێك چه‌كدارانی داعشی كردووەته‌ ئامانج، به‌ڵام له‌م ماوه‌یه‌دا ئه‌م گروپه‌ جموجۆڵ و چالاكییه‌كانیان زیادیكردووه‌ به‌تایبه‌ت له‌ گونده‌ كوردنشینه‌كان.

مام ئه‌سعه‌دی ته‌مه‌ن ٦٤ ساڵ، ئێستاش دیمه‌نی گیانله‌ده‌ستدانی غانمی كوڕی له‌پێش چاوه‌ كاتێك له‌ گوندی گه‌ره‌ سۆری بناری قه‌ره‌چۆغ بۆمبێكی چێنراوی چه‌كدارانی داعش له‌ژێر ئۆتۆمبێله‌كه‌یان ته‌قییه‌وە و له‌ئه‌نجامدا غانمی كوڕی گیانی له‌ده‌ستدا و خۆشی به‌ سه‌ختی برینداربوو.

له‌ پاش پرۆسه‌ی کۆنترۆڵکردنەوەی موسڵ، پاشماوه‌كانی چه‌كدارانی داعش به‌ ژماره‌یه‌كی كه‌م له‌ گونده‌كانی بناری چیای قه‌ره‌چوغ ده‌بینران، به‌ڵام پاش ڕووداوه‌كانی ١٦ی ئۆكتۆبه‌ر زیادیانکردووە، به‌تایبه‌تی دانانه‌وه‌ی بۆمبی چێنراو و كوشتنی ئه‌ندامانی حەشدی عه‌شایەری كه‌ له‌ ماوه‌ی ڕابردوودا ته‌نها له‌ گوندی كه‌نهوس زیاتر له‌ بیست ئه‌ندامی حەشدی عه‌شایەری به‌هۆی بۆمبی چێنراو بوونه‌ته‌ قوربانی.

س.س