سەردێڕ:

​پەرلەمانتارێکی پێشووی عێراق بە تۆمەتی تیرۆر دەستگیرکرا

زیا محی‌ خه‌ڵه‌ف عه‌بدوڵا ئه‌لدوری پەرلەمانتاری پێشووی پەرلەمانی عێراق
فۆتۆ: ئەرشیڤ
2018-11-09

3032 جار خوێندراوەتەوە

بەیانی ئەمڕۆ(٩ی تشرینی دووەمی ٢٠١٨) زیا محی‌ خه‌ڵه‌ف عه‌بدوڵا ئه‌لدوری پەرلەمانتاری پێشووی پەرلەمانی عێراق بە تۆمەتی تیرۆر دەستگیرکرا.

بەیانی ئەمڕۆ "زیا ئه‌لدوری‌" پەرلەمانتاری پێشووی پەرلەمانی عێراق وێنەیەکی لە تۆٌە کۆمەڵایەتییەکان بڵاوکرایەوە، کە لە وێنەکەدا ناوبراو لاپەڕەیەکی بەرزکردوەتەوە ناوی خۆی و ساڵی لەدایکبوونی تێدا نوسراوە و  ئاماژەی بەوەش کردووە بە پێی مادەی چواری یاسای‌ رووبه‌ڕووبوونه‌وه‌ی‌ تیرۆر لەلایەن پۆلیسی "الدور"ییەوە ده‌ستگیركراوه‌.

 هاوکات  لای‌ خۆیه‌وه‌ قاسم ئه‌عره‌جی‌ سه‌رۆكی‌ ده‌زگای‌ ئاسایشی‌ نیشتمانی‌ بڕیاری دەستگیرکردنەکەی ئەو پەرلەمانتارەی پشت ڕاستکردووە و ڕایگەیاند، "زیا ئه‌لدوری‌" دەستگیرکراوە بەڵام ئەو پیاوێكی‌ بێ كێشه‌یه‌ و دره‌نگ یان زوو ئازاد ده‌كرێت.

ئەوەشی خستەڕوو، ئەو وێنەی لە تۆڕە کۆمەڵاتییەکان بڵاوکراوەتەوە هەڵبەستراوە و پێویستە لێپرسینەوە لە ئەو کەسانە بکرێت کە ئەو وێنەیان لە پۆلیسی الدوری هێناوەتە دەرەوە و دەستکاریان کردووە و بڵاویانکردوەتەوە.