سەردێڕ:

لە رووداوێکی هاتوچۆدا دوو گەنج گیانیان لەدەستدا

فۆتۆ: 
2021-05-14

8782 جار خوێندراوەتەوە

بەڕێوەبەرایەتی تەندروستی چەمچەماڵ رایگەیاند، لە رووداوێکی هاوتوچۆدا لەسەر رێگای کەرکوک ــ سلێمانی لە نزیک مۆنۆمێنتی ئەنفال لە چەمچەماڵ دوو کەس گیانی لەدەستدا و کەسێکی دیکەش بریندارە.


بەڕێوەبەرایەتی تەندروستی چەمچەماڵ باسی لەوەکردووە، بەهۆی رووداوێکی هاتوچۆوە لە نزیک مۆنۆمێنتی ئەنفال لەچەمچەماڵ، دوو گەنج گیانیان لەدەستداوە و کەسێکی دیکەش بریندارە.

ئەوەشی خستووەتەڕوو، لەئێستادا تەرمی دوو گەنجەکە رەوانەی نەخۆشخانەی پزیشکی دادی سلێمانی کراون و بریندارەکەش لە نەخۆشخانە چارەسەر وەردەگرێت.

بەپێی ئاماری بەڕێوەبەرایەتی گشتی هاتوچۆی هەرێم لە ساڵی رابردوودا، لە سەرجەم پارێزگاکانی هەرێمی کوردستان ملیۆنێک و ٣٨٦ هەزار و ٢١٤ سەرپێچی تۆمارکراون و دوو هەزارو ٨٩٧ رووداویش روویانداوە، لەو ژمارەیەش ٤٣٢ کەس گیانیان لەدەستداوە.