سەردێڕ:

سەرۆکی هەرێمی کوردستان لەبارەی هێرشەکەی داعشەوە پەیامێکی بڵاوکردەوە

فۆتۆ: 
2021-05-12

775 جار خوێندراوەتەوە

نێچیرڤان بارزانی سەرۆکی هەرێمی کوردستان لە پەیامێکیدا لەبارەی هێرشەکەی شەوی رابردووی داعشەوە بۆ سەر هێزەکانی پێشمەرگەی کوردستان رایگەیاند، " جه‌خت له‌ پێویستیی په‌له‌کردن له‌ هه‌ماهه‌نگیی نێوان پێشمه‌رگه‌ و سوپای عێراق له‌و ناوچانه‌ ده‌که‌مه‌وه‌".


ئەمڕۆ چوارشەممە، نێچیرڤان بارزانی سەرۆکی هەرێمی کوردستان لەبارەی هێرشەکەی شەوی رابردووی داعشەوە لە تویتێکدا ئاماژەی بەوەدا، " به‌ توندی سه‌رکۆنه‌ی هێرشی شه‌وی ڕابردووی تیرۆرستانی داعش له‌ سنوور‌ی کفری ده‌که‌م".

ئەوەشی خستووەتەڕوو، " جه‌خت له‌ پێویستیی په‌له‌کردن له‌ هه‌ماهه‌نگیی نێوان پێشمه‌رگه‌ و سوپای عێراق له‌و ناوچانه‌ ده‌که‌مه‌وه‌".

No description available.

شەوی رابردوو، گروپی چەکداری داعش هێرشیکردە سەر هێزەکانی پێشمەرگە لە هەردوو گوندەکانی بەلەگە و هۆمەربەل لەنزیک شارۆچکەی نەیجول و بەوهۆیەشەوە دوو پێشمەرگە برینداربوون، کە پاش کەمێک لە رووداوەکە یەکێکان گیانی لەدەستدا.

لەلایەکی تریشەوە، شەوی رابردوو بەڕێوەبەری ئاسایشی شارۆچکەی کۆکس لە گەرمیان بە ئێن ئاڕ تی بە رایگەیاند، ژمارەیەک چەکدار لەسەر پردی حەلوان لە باکوری شارۆچکەی جەلەولا، هێرشیانکردووەتە سەر سوپای عێراق و بەوهۆیەشەوە دوو سەرباز بریندارن.

شەوی یەکی ئەم مانگەش، چەکدارانی داعش لە سنوری پردێ و لەنزیک گوندی قایەباشی، هێرشیان کردە سەر دوو سەنگەری سەربازی پێشمەرگە و رووبەڕووبوونەوە لەنێوان هێزەکانی پێشمەرگە و چەکدارانی داعشدا دروست بوو، کە تیایدا شەهید و بریندار لە ریزەکانی پێشمەرگەدا کەوتەوە.

ئەوەش لە کاتێکدایە، لە بەشێک لە ناوچەکانی عێراقدا بەهۆی نەبوونی هەماهەنگی لە نێوان هێزە ئەمنییەکان و بوونی فرەهێزی لەناوچەکەدا، بووەتە هۆی ئەوەی چەکداران و بەتایبەتی چەکدارانی داعش چالاکی و جموجوڵەکانیان زیادبکەن و ئەو بۆشاییە بەکاربێنن و هێرشبکەنە سەر گوند و شارۆچکەکانی سنورەکە، کە لە هێرشەکاندا، بەدەر لە هێزەئەمنییەکان، هاوڵاتیانیش روبەڕوی رفاندن و کوشتن و برینداربوون دەبنەوە.