سەردێڕ:

بڕیار لەبارەی هاتوچۆی گەشتیاری نێوان هەرێم و ئێرانەوە درا

فۆتۆ: 
2021-05-05

6713 جار خوێندراوەتەوە

کۆمەڵگای دەروازەی نێودەوڵەتی باشماخ رایگەیاند، بڕیاری قەدەغەی هاتوچۆی گەشتیاری نێوان هەرێم و ئێران بۆ ١٦ رۆژی دیکە درێژکرایەوە.


کۆمەڵگای دەروازەی نێودەوڵەتی باشماخ رایگەیاند، "بڕیاری قەدەغەی هاتوچۆی گەشتیاری لەنێوان هەرێمی کوردستان و کۆماری ئیسلامی ئێران لەڕێگەی دەروازە سنوری یەکانەوە لەمڕۆ رێکەوتی (٥/ئایار/٢٠٢١ی زاینی) بەرامبەر (١٥/اردیبهشت/١٤٠٠ی هەتاوی) بۆماوەی ١٦ رۆژی دیکە درێژکرایەوە."

ئەوەش هاتووە، "لە رێکەوتی ٢٥ی شوباتی ٢٠٢١دا و بەبڕیاری ئێران و لەپێناو رێگریکردن لەزیاتر بڵاوبوونەوە و تەشەنەسەندنی ڤایرۆسی کۆرۆنا لەو وڵاتە ئەم بڕیارە دراوە و بەچەند قۆناغێک چەندجارێک ئەم بڕیارە نوێ کراوەتەوە."

لە دوایین نوێکردنەوەشدا کە لەمڕۆوە چووەتە بواری جێبەجێکردن و تا (٢٠٢١/٥/٢١) بەرامبەر بە (٣١/اردیبهشت/١٤٠٠) رێگە بەهاتووچۆی گەشتیاری نادرێت بۆ ئێران و بەپێچەوانەشەوە بۆ هەرێمی کوردستان و تەنها ئەو کەسانەی هەڵگری ڤیزای نەخۆشین یاخود خوێندکارن لەیەکێک لە زانکۆکانی ئێران و خاوەن ئیقامە و ڤیزای بازرگانی و وەبەرهێنانن رێگەپێدراو دەبن.