سەردێڕ:

سەرۆکی پەرلەمانی عێراق گەیشتە هەولێر

لەگەڵ بەرپرسانی هەرێمدا کۆدەبێتەوە
فۆتۆ: 
2021-05-03

2674 جار خوێندراوەتەوە

سەرۆکی پەرلەمانی عێراق گەیشتە هەولێر و له‌لایه‌ن هێمن هه‌ورامی جێگری سه‌رۆكی په‌رله‌مانی كوردستانه‌وه‌ پێشوازی لێكرا و بڕیارە لەگەڵ بەرپرسانی باڵای هەرێمدا کۆببێتەوە.


محەمەد حەلبوسی سەرۆکی پەرلەمانی عێراق بە سەردانێک گەیشتە هەولێری پایتەخت و لەگەڵ سەرۆکی هەرێم و بەرپرسانی دیکەدا کۆدەبێتەوە.

لە میانی سەردانەکەیدا، سەرۆکی پەرلەمانی عێراق لەگەڵ نێچیرڤان بارزانی سەرۆکی هەرێمدا کۆدەبێتەوە و گفتوگۆ لەسەر چەند پرسێک دەکەن.

بەپێی زانیارییەکانی ئێن ئاڕ تی، مەبەستی سەرەکی سەردانەکەی محەمەد حەلبوسی، پەیوەندی بە هەڵبژاردنەکانی عێراقەوە هەیە.

بڕیارە لە ١٠ی مانگی تشرینی یەکەمی ئەمساڵدا هەڵبژاردنی پەرلەمانی عێراق بەڕێوەبچێت و لە ٣١ی ئازاری ئەمساڵشدا پەرلەمان بڕیاریدا، کە ئەگەر هەڵبژاردن بەڕێوەبچێت خۆیان هەڵبوەشێننەوە.