سەردێڕ:

سوودە سەرسوڕهێنەرەکانی خواردنەوەی شەربەتی مێوژ

فۆتۆ: 
2021-04-28

10827 جار خوێندراوەتەوە

شەربەتی مێوژ یەکێکە لەو خواردنەوانەی خەڵکێکی زۆر ئارەزووی خواردنەوەی دەکەن، بە تایبەت لە وەرزی گەرما و مانگی ڕەمەزاندا، لەگەڵ ئەوەشدا چەندین سوودی گرنگ بە جەستە دەبەخشێت.


ماڵپەڕی وێب توب لە بابەتێکی تەندروستیدا نوسیوویەتی، شەربەتی مێوژ دەوڵەمەندە بە ماددەی ڕیشاڵی و کە گرفتی کرداری هەرس و کۆڵۆن ناهێڵێت، لەگەڵ ئەوەشدا ئەم سوودانەی تری هەیە:

١.بەهۆی دەوڵەمەندی بە ماددەی ئاسن چارەسەری کەمخوێنی دەکات.

٢.بەهۆی بوونی ماددەی ڕیشاڵی تێیدا گرفتەکانی گەدە و کرداری هەرس و گرژی ڕیخۆڵەکان و قەبزی ناهێڵێت.

٣.دژی بەکتریای زیانبەخش لە جەستەدا دەوەستێتەوە، چونکە ماددەی بۆلیفینۆڵی تێدایە کە ماددەیەکی دژە ئۆکسانە.

٤.بەهۆی ماددەی دژە ئۆکسان تێیدا دژی شێرپەنجە دەوەستێتەوە.

٥.پارێزگاریی لە تەندروستیی چاوەکان دەکات.