سەردێڕ:

حەشدی شەعبی شەش چەکداری داعشی دەستگیرکرد

فۆتۆ: 
2021-04-13

1581 جار خوێندراوەتەوە

هێزەکانی حەشدی شەعبی لە پارێزگای نەینەوا شەش ئەندامی گروپی چەکداری داعشیان دەستگیرکرد کە بەنیازبوون هێرشبکەنە سەر چەند ئامانجێکی ئەمنی و مەدەنی.


بەڕێوەبەرایەتی حەشدی شەعبی لە پارێزگای نەینەوا راگەیەنداراوێکی بڵاوکردەوە و تیایدا هاتووە، بە پشتبەستن بە زانیارییە هەواڵگرییەکان و هەبوونی فەرمانی دەستگیرکردنیان، هێزێکی هاوبەشی حەشدی شەعبی و بەشی هەواڵگری لیوای ٣٠ و یاریدەدەرێتی هەواڵگری حەشد لە نەینەوا شەش داواکراوی داعشیان دەستگیرکرد.

بەگوێرەی راگەیەندراوەکە، شەش ئەندامەکەی داعش لەلایەن دادگاوە داواکراوبوون و فەرمانی دەستگیرکردنیان بۆ دەرکرابوو.

ئاماژەی بەوەشدا، پاش دەستگیرکردنیان هەر شەش ئەندامەکەی داعش بە گوێرەی یاداشتێکی فەرمی رادەستی لایەنی ئەمنی کراون.

دوێنێش، ئه‌نجومه‌نی ئاسایشی هه‌رێمی كوردستان دانپێدانانی گروپێكی بڵاوکردەوە و باسی لەوەکرد، پێنج چەکداری داعشیان دەستگیرکردووە کە ویستوویانە "کردەوەی تیرۆرستی ئەمجامبدەن."