سەردێڕ:

ئەو کەسەی لە سلێمانی ئاڵتون و پارەیەکی زۆری لە ژنێکی بەتەمەن دزی دەستگیرکرا

فۆتۆ: 
2021-04-08

15023 جار خوێندراوەتەوە

بەڕێوەبەری پۆلیسی سلێمانی رایگەیاند، هێزەکانیان توانیویانە ئەو کەسە دەستگیربکەن؛ کە دوێنێ چوارشەممە هەڵیکوتایە سەر ماڵی ژنێکی تەمەن ٧٤ ساڵ و بڕی ٦٥ هەزار پاوەن و بڕێک زێڕ و ٣٥ ملیۆن دیناری عێراقی لەو ژنە دزیبوو.


ئەمڕۆ پێنجشەممە، ئاسۆ شێخ تەها بەڕێوەبەری پۆلیسی سلێمانی بۆ ئێن ئاڕ تی باسی لەوەکرد، ئەو کەسەیان دەستگیرکردووە کە هێرشیکردبووە سەر ماڵی ژنێکی تەمەن ٧٤ ساڵ و پەڕاوی لێکۆڵێنەوە بۆ رووداوەکە کراوەتەوە.

بەڕێوەبەری پۆلیسی سلێمانی ئاماژەی بەوەشکردووە، لەدوای تەواوبوونی رێکارەکانی ڤایرۆسی کۆرۆنا؛ تەواوی ئەو پارە و خشڵانەی کە لەو ژنە دزراوە رادەستی دەکرێتەوە.

ئەمەش دوای ئەوە دێت؛ دوێنێ چوارشەممە، کەسێک چووبووە سەر ماڵی ژنێکی تەمەن ٧٤ ساڵ لە گەڕەکی توی مەلیکی شاری سلێمانی و بڕی ٦٥ هەزار پاوەن و زیاتر لە ٣٥ ملیۆن دینار و بڕێک زێڕی لێدزی.