سەردێڕ:

پارێزەرەکەی: تەندروستی بەدەل بەرواری لە مەترسیدایە

فۆتۆ: 
2021-04-08

12241 جار خوێندراوەتەوە

ئاسۆ هاشم پارێزەری بەدەل بەرواری رایگەیاند، "بەپێی زانیاریەكان دۆخی تەندروستی مامۆستا بەدەل بەرواری لە مەترسی دایە و بارودۆخی بە تەواوی تێکچووە."


ئەمڕۆ پێنجشەممە، ئاسۆ هاشم پارێزەری بەدەل بەرواری بۆ ئێن ئاڕ تی باسی لەوەکرد، بەگوێرەی زانیارییەکانیان تەندروستی مامۆستا بەدەل بەرواری لە بەندیخانە لەمەترسیدایە و بارودۆخی تێکچووە.

لە ٢٢ی تشرینی یەکەمی ساڵی رابردوودا، ژمارەیەک هێزی ئەمنی چوونەسەر ماڵی ژمارەیەک چالاکوان و رۆژنامەنوس لە سنوری پارێزگای دهۆک و هەولێر و دەستگیریانکردن و تا ئێستاش چارەنوسیان نادیارە، لەوکاتەشەوە تەنیا جارێک پەیوەندییەکی تەلەفۆنییان لەگەڵ خانەوادەکانیاندا ئەنجامداوە.

 

ئەوەش لەکاتێکدایە، لە دادگای هەولێر دادگایی ژمارەیەک لە دەستگیرکراوانی بادینان بەڕێوەچوو، کە تیایدا بەپێی هەردوو ماددەی یەکی ژمارە ٢١ی ساڵی ٢٠٠٣ تایبەت بە هەوڵدان بۆ تێکدانی ئاسایشی نەتەوەیی سزای شەش ساڵ زیندانی بە سەر پێنج رۆژنامەنووس و چالاکوانی بادیناندا سەپێندرا.