سەردێڕ:

نرخی نەوت بەرزبووەوە

فۆتۆ: 
2021-04-07

5418 جار خوێندراوەتەوە

نرخی بەرمیلێک نەوتی خاوی برێنت لە بازاڕەکانی جيهاندا بە ٦٣ دۆلار و هەشت سەنتە، بەراورد بە دوێنێ سێشەممە ​٥٩ سەنت بەرزبوەتەوە.


هاوکات، نرخى بەرمیلێک نەوتى خاوی ئەمریکی لە بازاڕەکانى جیهاندا بە ٥٩ دۆلار و ٦٤ سەنت مامەڵەى پێوە دەکرێت.

لە ماوەی رابردوودا، نرخی نەوت بۆ سەرو ٧٠ دۆلار بەرزبووەوە، کە یەکەمجاربوو لە دوای ئەوەی لە ساڵی رابردووەوە بەهۆی بڵاوبوونەوەی ڤایرۆسی کۆرۆنا و لەکارکەوتنی کارگە گەورەکانی جیهان و راگرتنی جموجوڵی ئامێر و ئۆتۆمبێلەکان، نرخی نەوت بۆ نزمترین ئاستی لە مێژوویدا دابەزی.

لە ئازار و نیسانی ساڵی رابردووشدا، نرخی نەوتی خاوی برێنت بۆ خوار ٢٥ دۆلار و نەوتی خاوی ئەمريکیش بۆ يەکەمجار لە مێژوودا بۆ ٣٧ دۆلار لە خوار سفرەوە دابەزی.