سەردێڕ:

قائیمقامی هەولێر لەبارەی ئەنجامدانی ئاهەنگ لە نەورۆزدا روونکردنەوە دەدات

فۆتۆ: 
2021-03-17

1630 جار خوێندراوەتەوە

قایمقامی قەزای ناوەندی هەولێر رایگەیاند، بە شێوەیەکی فەرمی و لەبەر کۆرۆنا هیچ ئاهەنگێک ناکرێت، تەنها ئاگرێک دەکرێتەوە بە بەشداری چەند کەسێکی دیاریکراو و ئامادەبوونی میدیاکاران.


نەبەز عەبدولحەميد قائیمقامی قەزای ناوەندی هەولێر ئەوەشی بە ئێن ئاڕ تی راگەیاند، لە ماوەی چەند رۆژی رابردوودا رێکاری بەستنی ماسکیان توندکردووەتەوە و خەڵکانێکیش سزادراون بەهۆی نەبەستنی ماسکەوە.

باسی لەوەشکرد، هەرچەندە ئەوان نیگەرانن بە بڕیاری سزادانی نەبەستنی ماسک، بەڵام پێویسته ئەو هاوڵاتییەش کە رێگەی پێدراوە بۆ چوونە دەرەوە رێنمایەکانی جێبەجێبکات.

هەر ئەمڕۆ، پارێزگاری سلێمانی رایگەیاندبوو، پەیوەست بە پارێزگاکەیانەوە هەموو خەڵک دڵنیا دەکەنەوە بەمشێوازەی، کە ئێستا هەیە پابەندبن، نە کەرەنتینە رادەگەیەنرێت و نە قەدەغەی هاتوچۆ.

لە ١٠ی ئەم مانگەشدا، وتەبێژی حکومەتی هەرێم رایگەیاند، هیچ بڕیارێک نییە بۆ راگەیاندنی قەدەغەی هاتوچۆ لە رۆژانی نەورۆزدا، وتیشی، "پێموایە بەر لە نەورۆز کۆبوونەوەیەکی تر دەکرێت و ئەگەر بزانین دۆخەکە خراپە، ئەوا بڕیاری دیکە دەدەین."