سەردێڕ:

پەرلەمانی عێراق لەبارەی هەڵەبجەوە بڕیارێکی دەرکرد

فۆتۆ: 
2021-03-16

18076 جار خوێندراوەتەوە

پەرلەمانی عێراق بەکۆی گشتی دەنگیدا لەبارەی ئەوەی حکومەت پابەند بێت بەوەی سەرجەم رێکارەکان بگرێتەبەر بۆ راگەیاندنی هەڵەبجە وەک پارێزگا.


پەیامنێری ئین ئاڕتی لە بەغدا رایگەیاند، لەکۆبوونەوەی ئەم ئێوارەیەی پەرلەمانی عێراقدا، بەکۆی دەنگ بڕیار درا بە راسپاردنی ئەنجومەنی وەزیران بە تەواوکردنی تەواوی رێکارە پێویستەکان بۆ بەپارێزگابوونی هەڵەبجە.

هەر ئەمڕۆش، سەرۆکوەزیرانی عێراق لە پەیامێکدا رایگەیاند، ئه‌مڕۆ ساڵیادی کارەساتێکی پڕ له‌ ئێش و ئازاره‌ له‌ مێژوی خه‌باتی گه‌له‌كه‌یان له‌ دژی زۆرداریی و دیكتاتۆریه‌ت، دەشڵێت، یادی ٣٣ ساڵه‌ی كیمیابارانی هه‌ڵه‌بجەی شەهیدە کە بووە هۆی لەناوبردنی هەزاران هاوڵاتی مەدەنی بێتاوان.

ئەمەش لەکاتێکدایە، ئەمڕۆ، ٣٣ ساڵ تێپەڕدەبێت بەسەر کیمیابارانکردنی هەڵەبجە بە چەکی کیمیایی، کە بەهۆیەوە نزیکەی پێنج هەزار هاوڵاتی شەهیدبوون و بە هەزاران هاوڵاتی دیکەش برینداربوون، بە شێوەیەک تا ئێستاش کاریگەرییەکانی ئەو چەکە بەسەر دانیشتووانەکەیەوە ماوە.