سەردێڕ:

ئەکەپە: لەگەڵ هاوپەیمانەكانمان کار بۆ داخستنی هەدەپە دەکەین

فۆتۆ: 
2021-03-03

2701 جار خوێندراوەتەوە

جێگری سەرۆكی فراكسیۆنی پارتی داد و گەشەپێدان (ئەکەپە) لە پەرلەمانی توركیا رایگەیاند، لەگەڵ هاوپەیمانەكانیان کاردەكەن بۆ داخستنی پارتی دیموکراتی گەلان "هەدەپە."


جاهید ئۆزكان جێگری سەرۆكی فراکسیۆنی پارتی داد و گەشەپێدان لە كۆنفڕانسێکی رۆژنامەنووسیدا باسی لە گفتوگۆكانی داخستنی هەدەپە كرد و رایگەیاند ئەكەپە و مەهەپە بە تێگەیشتنێک لە هەمان ئاڕاستەدا سیاسەت دەكەن و هیوادارن، كە هەدەپە لە بەردەم گەلەكەیان دابخرێت.

جاهید ئۆزكان دەشڵێت، گەلەكەیان چیتر هیچ ئومێدێكی بەم پارتە نییە، ٨٣ ملیۆن خەڵكی توركیا دەیانەوێت داخستنی ئەم پارتە هەم لە رووی سیاسیەوە و هەمیش لە رووی یاساییەوە لە چوارچێوەی فەرمانی دەستوریدا كۆتایی پێبهێنرێت.

جێگری سەرۆكی فراکسیۆنی ئەکەپە لە پەرلەمانی تورکیا راشیگەیاند، هەموو ئەوانەی کە دەنگیان بە هەدەپە داوە بۆ ئەوە نەبووە تا ئەو حزبە پشت بە قەندیل ببەستێ، بەڵکو بۆ ئەوە بوو تا لەم وڵاتەدا بە برایەتی و لە ئارامیدا بژین، بۆیە هەوڵدەدەن هەدەپە لە رووی سیاسی و یاساییشەوە دابخرێت.

 

ئەوەش لەکاتێکدایە، ماوەیەکە لە توركیا هەوڵێک هەیە بۆ داخستنی پارتی دیموکراسی گەلان (هەدەپە)، لەلایەن پارتەکەى رەجەب تەیب ئەردۆغان سەرۆککۆماری تورکیا و هاوپەیمانەکەی پارتی نەتەوە پەرستی ئەو وڵاتەوە.







‌بەپەلە