سەردێڕ:

هێمن هەورامی: هەوڵی هەموومان بۆ باشترکردنی بژێوی هاوڵاتیانە

فۆتۆ: 
2021-03-01

1218 جار خوێندراوەتەوە

پەرلەمانی کوردستان دانیشتنی ژمارە یەکی خولی بەهارە بەڕێوەدەچوو، کە لە دانیشتنەکەدا هێمن هەورامی جێگری سەرۆکی پەرلەمانی کوردستان رایگەیاند، پەرلەمان بە جددی چاودێری دانوستانەکانی هەرێم و بەغدایان کردووە.


جێگری سەرۆکی پەرلەمانی کوردستان ئەوەشی خستووەتەڕوو، "پێشتر لە پەلامارێکی تیرۆرستی ترسنۆکانەدا هێرشکرایە سەر فڕۆکەخانەی هەولێر."

راشیگەیاند، "هەوڵەکانی بە ئامانجگرتنی پایتەختی هەرێم هەوڵی نەزۆکن و ناگەنە ئامانج."    

هێمن هەورامی دەشڵێت، "هەوڵی هەموو ئەندامانی پەرلەمان یەکێکە و تەواوکەری یەکترین و هەموو لایەک دەمانەوێت سەقامگیری و چاکسازی و بە سیستەمکردنی دامەزراوەکان و باشترکردنی بژێوی هاوڵاتیانە."

ئەمڕۆ دووشەممە دانیشتنی ژمارە یەکی خولی بەهارەی پەرلەمانی کوردستان بەڕێوەچوو کەتێیدا سەرۆکایەتی پەرلەمان و سەرۆکی فراکسیۆنەکان لەسەر چەند پرسێک پێشنیازو بۆچونیان خستەڕوو.