سەردێڕ:

پەروەردەی ئەم شارە داوای مامۆستای وانەبێژ دەکات

فۆتۆ: 
2021-02-28

10164 جار خوێندراوەتەوە

بەڕێوەبەری پەروەردەی رۆژهەڵاتی سلێمانی رایگەیاند، داوایان ئاراستەی ئەو مامۆستایانە كردووە كە پێشتر فۆرمی وانەبێژیان پڕكردووەتەوە، ئێستا دەتوانن سەردانی پەروەردەکەیان بكەن و مامەڵەكانیان دەستپێبكەن.


تریفە محەمەد، بەڕێوەبەری پەروەردەی رۆژهەڵاتی سلێمانی بە ئێن ئاڕ تى راگەیاند، لە رێگەی بانگەوازێكەوە داوایان ئاراستەی ئەو مامۆستایانە كردووە كە پێشتر فۆرمی وانەبێژیان پڕكردووەتەوە، بۆ ئەوەی سەردانیان بکەن و مامەڵەكانیان دەست پێبكەن". دەشڵێت، "پەیوەندیکردن بەو کەسانەى کە پێشتر داوایانکردووە، لەسەر بنەماى پسپۆڕى و ساڵى خوێندنیانە".

بەڕێوەبەری پەروەردەی رۆژهەڵاتی سلێمانی ئاماژەى بەوەشکرد، "لەم كاتەدا پێویستیان بەمامۆستا هەیە بۆیە لەڕێگەی وانەبێژانەوە مامۆستا دابین دەكەن و گرفتەکەش ئەوەیە بەشێک لەو کەسانە کەپێشتر ئامادەبوون وەک وانەبێژ کاربکەن ئێستا ژمارە مۆبایلەکانیان داخراوە".

ئەوەش لە کاتێکدایە، بەشێک لە دەرچووانى زانکۆ و پەیمانگاکان، بە پێى پسپۆڕیان داوایانکردووە وەک مامۆستاى وانەبێژ لە قوتابخانەکانى هەرێمى کوردستان دەستبەکاربن.