سەردێڕ:

حکومەتی هەرێم بۆ ئێن ئاڕ تی: لەگەڵ لیژنەی دارایی پەرلەمانی عێراقدا گەیشتینە رێککەوتن

فۆتۆ: 
2021-02-28

42068 جار خوێندراوەتەوە

سەرۆکی نوێنەرایەتی حکومەتی هەرێم لە بەغدا بە ئێن ئاڕ تی راگەیاند، شاندی هەرێم لەگەڵ لیژنەی دارایی پەرلەمانی عێراقیش کۆبوونەوەتەوە و گەشتوونەتە رێککەوتن، بەڵام تەنها هەندێک لایەن ماوە کە موزایدەی سیاسی و فشار دەخەنە سەر هەرێم.


فارس عیسا سەرۆکی نوێنەرایەتی حکومەتی هەرێم لە بەغدا راشیگەیاند، گەڕانەوەی شاندی هەرێم بۆ بەغدا پەیوەندی بە دیاریکردنی کاتی دانیشتنی پەرلەمانی عێراقەوە هەیە.

فارس عیسا ئەوەشی ئێن ئاڕ تی وت، وەک حکومەتی هەرێمی کوردستان چاوەڕوانی رێککەوتنی لایەنە سیاسیەکانی عیراق دەکەن تا لە پەرلەمانی دەنگ بە پڕۆژە یاساکە بدرێت.

هاوکات، بەپێی زانیارییەکانی ئێن ئاڕ تی، ئەگەر پەرلەمانی عێراق بڕیاربدات لەسەر کۆبوونەوە لە رۆژی پێنجشەممە ئەوا شاندی دانوستانکاری هەرێم رۆژی سێشەممە دەگەڕێنەوە بەغدا.

 

ئەوەش لەکاتێکدایە، لە ماوەی رابردوودا، شاندی حکومەتی هەرێم چەندین جار سەردانی بەغدایان کردووە، بەڵام تا ئێستا رێککەوتنیان واژۆنەکردووە.

هێرش قادر، هەولێر