سەردێڕ:

کاتی بارینی بەفر و بارانێکی دیکە ئاشکراکرا

فۆتۆ: 
2021-02-28

79001 جار خوێندراوەتەوە

سادق عەتیە کەشناسی عێراق لە تۆڕی کۆمەڵایەتی فەیسبووک ئاشکرایکرد، پێشبینیدەکرێت بەرەبەیانی سبەینێ دووشەممە لە ناوچە شاخاوییەکانی هەولێر و دهۆک بەفر ببارێت. دەشڵێت، لە رۆژی چوارشەممەوە کەش و هەوا دەگۆڕێت و تا پێنجشەممە بەردەوام دەبێت.


راشیگەیاند،  لە باشوری خۆرئاواوە هەورەکان هاتوونەتە ناو ئاسمانی عێراقەوە و لە چینە بەرزەکانیشدا با هەیە.

ئاماژەی بەوەشدا، بەهۆی چڕبوونەوەی هەورەکانەوە لە باشوری خۆرئاوا، دەرفەتی زیاتر دەرەخسێت شەوانە بەدرێژایی سنوری سعودیە و عێراق نەرمەباران ببارێت و پێشبینیدەکرێت لە بەرەبەیانی رۆژی دوشەممە بگاتە باشوری پارێزگای ئەنبار.