سەردێڕ:

ئەمڕۆ موچەى ئەم شوێنانە دابەشدەکرێت

فۆتۆ: 
2021-02-27

13275 جار خوێندراوەتەوە

ئەمڕۆ شەممە، دابەشكردنی موچەی فەرمانبەرانی هەرێم بەردەوام دەبێت و تێیدا موچەی پێنج وەزارەت و چەند شوێنێكی دیكەش بە لێبڕینی ٢١% دابەشدەكرێت.


وەزارەتى دارایی رایگەیاند، ئەمڕۆ شەممە، موچەی مانگی ٢ی ئەمساڵی وەزارەتەكانی گەشت و گوزار، کارەبا، کشتوکاڵ و سەرچاوە ئاوییەکان، رۆشنبیرى و لاوان و ئاوەدانکردنەوە دابەشدەكرێت.

هەروەها، بەگوێرەی راگەیەندراوەکەى وەزارەتی دارایی هەرێم، بڕیارە ئەمڕۆ موچەی سەرۆکایەتى هەرێم، پەرلەمان، ئەنجومەنى وەزیران و خانەنشینى پێشمەرگەش دابەشبكرێت.

پێشتر، جوتیار عادل وتەبێژی حکومەتی هەرێمی کوردستان لە کۆنفرانسێکی هەواڵیدا رایگەیاند، وەک حکومەت پێیان خۆشە موچە بە رێژەی ١٠٠% دابینبکەن، بەڵام لە ئێستادا هەندێک وردەکاری هەن کە بەهۆیەوە ناتوانن ئەو کارە بکەن.