سەردێڕ:

هۆشیار زێباری: هەرێم رەزامەندە ٢٥٠ هەزار بەرمیل رادەستی بەغدا بکات

فۆتۆ: 
2021-02-23

21570 جار خوێندراوەتەوە

هۆشیار زێباری دەڵێت، حکومەتی هەرێمی کوردستان رەزامەنده لەسەر رادەستکردنی ٢٥٠ هەزار بەرمیل نەوت لە رۆژێکدا و پێدانی نیوەی داهاتی خاڵە سنوریەکان بە حکومەتی ناوەند.


هۆشیار زێباریی ئەندامی مەکتەبی سیاسی پارتی لە چاوپێکەوتنێکدا لەگەڵ کەناڵی حوڕەدا رایگەیاند، بە گوێرەی ئەو پڕۆژەیاسایەی لە پەرلەمانی عێراق دەنگی لەسەر دراوە و بۆ پەرلەمانی ناردووه، هەرێم و بەغدا گەیشتوونەتە رێککەوتن.

هۆشیار زێباریی دەشڵێت، ئەوەی باس دەکرێت گوایە هەرێمی کوردستان پابەند نابێت بە رێککەوتنەکانەوە دوورە له راستییەوە.

 

ئەوەش لەکاتێکدایە، شاندی هەرێم بە مەبەستی گفتوگۆكردن و بۆ گەیشتن بە رێككەوتن لەسەر پرۆژەیاسای بودجەی ٢٠٢١ی عێراق و پشكی هەرێم لە پرۆژەیاساكەدا چەندین جار سەردانی بەغدای کردووە.