سەردێڕ:

وێنە.. لە خەلیفان گەنجێک بە حەوت گوللـە کوژرا

فۆتۆ: 
2021-02-23

30239 جار خوێندراوەتەوە

پەیامنێری ئێن ئاڕ تی رایگەیاند، بەهۆی کێشەی کۆمەڵایەتیەوە لە خەلیفان گەنجێک بە حەوت گوللـە کوژرا و هاوڕێیەکیشی برینداربوو.


عەبدۆ رۆستایی پەیامنێری ئێن ئاڕ تی رایگەیاند، بەهۆی دەستڕێژی گوللـەوە گەنجێک کوژرا و تۆمەتبارەکەش دەستگیرکرا، باسی لەوەشکرد، کە ئەو کەسەی کوژراوە کەمینی بۆ دانراوە.

ئەوەشی خستەڕوو، کە ئەو گەنجە دەستڕیژی گوللـەی لێکراوە و حەوتیانی بەرکەوتووە، هاوکات، هاوڕێیەکیشی لەگەڵیدا بووە برینداربووە.

راشیگەیاند، کە هۆکاری کوژرانی ئەو کەسە کێشەی کۆمەڵایەتی بووە.

پەیامنێری ئێن ئاڕ تی وتیشی، کە ئەو کەسەی تۆمەتبارە بەو تاوانە دەستگیرکراوە و لە ئێستاشدا هێزە ئەمنییەکان لەسەر لێکۆڵینەوە لە رووداوەکە بەردەوامن.