سەردێڕ:

وەزارەتی دارایی خشتەی موچەی سەرجەم وەزارەتەکانی راگەیاند

لە چوار رۆژدا تەواوی موچەکە دابەشدەکرێت
فۆتۆ: 
2021-02-23

57504 جار خوێندراوەتەوە

وەزارەتی دارایی خشتەی موچەی سەرجەم وەزارەتەکانی راگەیاند و بە پێی خشتەکە لە ماوەی چوار رۆژدا موچەی سەرجەم وەزارەکان دابەش دەکرێت.


بەپێی خشتەکە، رۆژی پێنجشەمە موچەی وەزارەتی تەندروستی و دیوان و لیواکانی پێشمەرگە و وەزارەتی ناوخۆ و شەهیدان و چەند فەرمانگەیەکی دیکە دابەشدەکرێت.

رۆژی هەینیش، دابەشکردنی موچە بەردەوام دەبێت و نزیکەی ٢٠ وەزارەت و فەرمانگە موچە وەردەگرن، کە لەنێویاندا وەزەرەتی پەروەردە و خوێندنی باڵا و ئاسایش و چەند دەزگایەکی دیکە هەن.

هاوکات، رۆژی شەممەش، موچەی هەشت وەزارەت و فەرمانگە و دەستە دابەشدەکرێت و رۆژی یەکشەمەش موچەی خانەنشینی شارستانی دابەشدەکرێت و کۆتایی بە دابەشکردنی موچە دێت.

ئەوەش لەکاتێکدایە، ئەم موچەیە موچەی مانگی ٢ی ئەمساڵە و بە لێبڕینی ٢١٪ەوە دابەشدەکرێت.

خشتەی موچەی سەرجەم وەزارەتەکان:

No description available.