دوای ئەوەی لە چەند رۆژی رابردوودا چەند کەسێک کە لای گەریلاکانی پەکەکە زیندانی بوون کوژرا و یەکێک لەو کەسانەش خەڵکی شاری دهۆک بوو و دوێنێ تەرمەکەی بە خاکسپێردرا، لەوبارەیەوە، پارێزگای دهۆک رایگەیاند، "رفاندن، دەستبەسەرکرد، زیندانی کرد و شەهیدکردنی ئەو هاوڵاتییە لەلایەن گەریلاکانی پەکەکەوە رسوا و شەرمەزاردەکەین."

ئەوەشی خستووەتەڕوو، "گرتن و زیندانیکردن تەنیا کاری دامودەزگاکانی دادوەرییە، کە لە چوارچێوەی یاسادا ئەنجامدەدرێت و لە دەرەوەی دەزگا پەیوەندیدارەکان کارێکی نایاسایی و نامرۆڤانەیە و بە هەژمارکردن لە خەڵکی هەرێم هەژمارەکرێت."

لە ١٤ی ئەم مانگەدا، وەزیری بەرگری تورکیا رایگەیاند، ئۆپەراسیۆنەکەیان لە چیای گارە کۆتایی پێهێناوە، وتەبێژی هێزەکانی پاراستنی گەل (هەپەگە) رایگەیاند، "تورکیا ویستی لە گارە داببەزێت، بەڵام رێگامان نەدا، دواتر ویستی لە چەند خاڵێک داببەزێت دیسان رێگامان نەدا دواتر شوێنی بەدیلگیراوەکانی بۆردومان کرد."