پەیامنێری ئێن ئاڕ تی ئەوەشی وت، هاوەنەکان کەوتونەتە بەشی پشتەوەی باڵیۆزخانەکە و هاوکات هیچ زیانێکی گیانی لێ نەکەوتوەتەوە. دەشڵێت، "باڵیۆزخانەی ئەمریکا زەنگی ئاگادارکردنەوەی لێداوە".

لەراگەیاندروێکیشدا، شانەی ڕاگەیاندنی ئەمنی عێڕاق باسی لەوەکرد، چەند گولـلە هاوەنێک لە ناوچەی سەوزی بەغدا کەوتونەتەوە، بەبێ ئەوەی ئاماژە بە زانیاری زیاتر لەبارەی هێرشەکەوە بکات؛ ئەوەی خستەڕوو، کە لەداهاتوودا زانیاری زیاتر لەبارەی هێرشەکەوە ئاشکرادەکەن.

شانەی ڕاگەیاندنی ئەمنی باسی لەوەشکردووە، لێکۆڵینەوەی لایەنە ئەمنییەکان لەبارەى هێرشەکە بەردەوامە و لەداهاتوشدا وردەکاری زیاتر بڵاودەکەنەوە.

ئەمەش لەکاتێکدایە، لەماوەی رابردوودا لە هێرشێکی موشەکیدا بۆ سەر هەولێری پایتەختی هەرێمی کوردستان، ١٤ گولـلە هاوەن ئاڕاستەی شاری هەولێر کرا و، سەرباری زیانە مادییەکان، نۆ کەس برینداربوون و دوو کەسی دیکەش بەهۆی هێرشەکەوە گیانیان لەدەستدا.