سەردێڕ:

لە سلێمانی ئاوەڕۆی نانەواخانەیەک تێکەڵ بە ئاردەکە بووە و نانیشی فرۆشتووە

فۆتۆ: 
2021-02-21

19129 جار خوێندراوەتەوە

لیژنە هاوبەشەکانى قایمقامیەتى سلێمانى نانەواخانەیەکیان داخست و ئاماژە بەوەدەکەن ئاوى ئاوەرۆى تەوالێت رژاوە بەسەر ئاردى نانەواکەدا.


ئاکۆ حەسەن، سەرۆکى لیژنەى نانەواکانى لیژنە هاوبەشەکانى قائمقامیەتى سلێمانى بە ئێن ئاڕ تى راگەیاند، لە کاتى گەڕان و پشکنینەکانیاندا چوونەتە یەکێک لە نانەواخانەکانى سلێمانى و بینیویانە پاشەڕۆى قرتێنەر لە دوکانەکەدا هەبووە و بەهۆى شکانیەوە ئاوى ئاوەڕۆى نهۆمى سەرەوەى بیناکە بەسەر ئارد و پێداویسیتییەکانى دوکانەکەدا رژاوە.

ئاکۆ حەسەن وتیشى، لەوکاتەدا کە ئەو دیمەنەیان بینیوە دوکانەکە هێشتا سەرقاڵى دروستکردنى نان و فرۆشتنى بە هاوڵاتیان بووە.

بە وتەى سەرۆکى لیژنەى نانەواکان لە ئێستادا نانەواکە روبەڕوى رێکارى یاسایی کراوەتەوە و جگە لە پسوڵەى سەرپێچى بۆ ماوەى حەوت رۆژ شوێنەکەى پێداخراوە.