سەردێڕ:

رێباز حەملان: هەرێم و بەغدا لە رێککەوتن نزیکن

فۆتۆ: 
2021-02-21

18777 جار خوێندراوەتەوە

یاریدەدەرى سەرۆکوەزیرانى هەرێم بۆ کاروبارى وەبەرهێنان و راژەى گشتى رایگەیاند، هەرێمى کوردستان نزیکە لە رێککەوتنێکى باش لەگەڵ بەغدا، کە لە بەرژەوەندى هەردوولادا بێت.


ئەمڕۆ یەکشەممە، رێباز حەملان یاریدەدەرى سەرۆکوەزیرانى هەرێمی کوردستان لە بەرنامەى بازنەى سورى ئێن ئاڕ تى کە سبەى شەو کاتژمێر ٩ بە کاتى هەولێر پەخشدەکرێت باسى لەوەشکرد، بەپێى ئەو قسانەى کە لەگەڵ شاندى هەرێم کردوویەتى و هەروەها هەندێک پەیوەندى دیکەى خۆى، ئەو هیواى زۆرە، کە بەغدا و هەرێم بگەنە رێککەوتن.

رێباز حەملان ئاماژەى بەوەشکرد، هەرێمی کوردستان لە چوارچێوەى دەستورى عێراقدا ئامادەیی دەربڕیوە بۆ رێککەوتن لەسەر کۆى پرۆسەى دانوستانەکان، چونکە ئەوە تەنیا بودجەى گشتى ناگرێتەوە، بەڵکو چەندین بابەتى وەک ناوچە جێناکۆکەکان و گەنمى جوتیاران و پێشمەرگە و بودجەى سیادى دەگرێتەوە.

ئەوەش لەکاتێکدایە، لە مانگى نیسانى ساڵى رابردووەوە شاندى هەرێم ١٥ جار چوونەتە بەغدا، بەڵام تا ئێستا هیچ رێککەوتنێک لە نێوانیاندا واژۆنەکراوە.