سەردێڕ:

وەزارەتى کشتوکاڵ: لەم هەفتەیەدا شایستە داراییەکانی جوتیاران دەگات

فۆتۆ: 
2021-02-20

5069 جار خوێندراوەتەوە

وەزارەتى کشتوکاڵى هەرێم رایگەیاند، لە چەند ڕۆژی داهاتووی ئەم هەفتەیەدا نیوەی شایستە داراییەکانی گەنمی جوتیاران بۆ ساڵەکانى ٢٠١٤ و ٢٠١٥ و ٢٠١٦، دابەشدەکرێت.


وەزارەتى کشتوکاڵى هەرێم لە راگەیەندراوێکدا بڵاویکردەوە، ئەمڕۆ لە پەیوەندیەکی تەلەفۆنیدا بەشیر حەداد جێگری سەرۆکی پەرلەمانی عێراق بە بێگەرد تاڵەبانی وەزیری کشتوکاڵ و سەرچاوەکانی ئاوی راگەیاندووە، "دوابەدوایی پەیوەندی و هەوڵە بەردەوامەکانی نێوان هەردوولا لە چەند رۆژی داهاتووی ئەم هەفتەیەدا بڕی نیوەی پارەی شایستە داراییەکانی جوتیارانی هەرێم بۆ ساڵانی ٢٠١٤ ،٢٠٥، ٢٠١٦ بۆ هەموو ئەو جوتیارانەی کە ناویان لە لیستەکاندا تۆمارکراوە دابەشدەکرێت."

ئاماژە بەوەشکراوە، لەو پەیوەندیەدا جەختکرایەوە لەسەر چرکرنەوەی هەوڵەکان لە پێناو خەرجکردنی تەواوی ماندووبوون و شایستە داراییەکانی جوتیارانی هەرێمی کوردستان لە قۆناغی داهاتوو.

 

ئەوەش دوایی ئەوەدێت، ئەم بڕەى ئێستا خەرج دەکرێت بۆ جوتیارانى هەرێم بریتیە لە ٢٦٨ ملیار دینار و کۆى گشتى بڕى شایستە داراییەکانى جوتیارانى هەرێم لاى حکومەتى عیراق زیاتر ٥٠٠ ملیار دینارە.