سەردێڕ:

مەسعود بارزانی پیرۆزبایی لە عەلی باپیر دەکات

فۆتۆ: 
2021-02-20

4588 جار خوێندراوەتەوە

بەبۆنەی کۆتاییهاتنی کۆنگرەی حزبەکەیەوە، مەسعود بارزانی سەرۆکی پارتی دیموکراتی کوردستان پیرۆزبایی لە عەلی باپیر سەرۆکی کۆمەڵی دادگەریی کوردستان کرد.


ئەمڕۆ شەممە، بارەگای بارزانی لە راگەیەنراوێکدا ئاماژەی بەوەکردووە، مەسعود بارزانی لە رێگەی تەلەفۆنەوە و بەبۆنەی كۆتاییهاتنی كۆنگرەی چوارەم و هەڵبژاردنی وەك سەرۆكی كۆمەڵی دادگەریی كوردستان، پیرۆزبایی لە مامۆستا عەلی باپیر کردووە.

ئاماژە بەوەشکراوە، کە بارزانی پیرۆزبایی لە سەركردایەتیی نوێی کۆمەڵ کردووە و هیوای سەركەوتنی بۆ خواستوون.

دوێنێ هەینی، کۆمەڵی دادگەریی کوردستان کارەکانی کۆنگرەی چوارەمی لە شاری سلێمانی کۆتایی پێهێنا کە تیایدا، جگە لەوەی ناوی حزبەکە لە (کۆمەڵی ئیسلامی کوردستان)ەوە بۆ (کۆمەڵی دادگەریی کوردستان) گۆڕدرا، هاوکات پۆستی یەکەمی حزبەکەش لە (ئەمیر)ەوە بۆ (سەرۆک) گۆڕدرا.