سەردێڕ:

مەسرور بارزانى پەیامێکى بڵاوکردەوە

فۆتۆ: 
2021-02-16

4142 جار خوێندراوەتەوە

سەرۆکى حکومەتى هەرێمى کوردستان رایگەیاند، هەرچەند ناحەزان و تيرۆریستان، هەوڵی ئازاردانی گەلەکەمان بدەن ئێمە بە ئیرادەیەکی بەهێزتر، ڕووبەڕوویان دەبینەوە.


مەسرور بارزانى، سەرۆکى حکومەتى هەرێمى کوردستان، رایگەیاند، "هەرچەند ناحەزان و تيرۆریستان، هەوڵی ئازاردانی گەلەکەمان بدەن و بە کردەوە ترسنۆکەکانیان، خەریکی تێکدانی سەقامگیریی هەرێمی کوردستان بن و بیانەوێ کۆسپ لە سەر ڕێگامان بۆ سەرکەوتن و پێشکەوتن دروست بکەن، ئێمە بە ئیرادەیەکی بەهێزتر، ڕووبەڕوویان دەبینەوە و لە ڕێڕەوی خۆمان بەرەو سەرکەوتن ناوەستین".

هاوكات، نێچیرڤان بارزانی سەرۆکی هەرێمی کوردستان لە پەیامێکدا کە ئاراستەی کۆمەڵگەی نێودەوڵەتی کردووە لە دوای هێرشەکانی سەر هەولێر رایدەگەیەنێت "داوا لە ئەنجومەنی ئاسایشی نێودەوڵەتی و نەتەوە یەكگرتووەكان دەكەین مه‌ترسيى ئەو هێرشە زۆر بە جددی وەربگرن و كار بكەن بۆ ڕێگرتن لە نەهێشتنی هەڕەشە لەسەر خەڵكی هەرێمی كوردستان.

ئەمەش لەکاتێکدایە، شەوی رابردوو کاتژمێر ٩:٣٠ هێرشێکی موشەکی کرایە سەر شاری هەولێر و بووە هۆی گیان لەدەستدانی کەسێک و برینداربوونی نۆ کەسی دیکە کە ژمارەیەکیان ئەمریکین.