سەردێڕ:

لە رۆژهەڵاتی کوردستان تەرمی پێنج کۆڵبەر دۆزرانەوە

فۆتۆ: 
2021-01-26

2832 جار خوێندراوەتەوە

دوای نزیکەی هەفتەیەک لە بێسەروشوێن بوونیان، تەرمی پێنج کۆڵبەر لەسەر سنوری نێوان رۆژهەڵات و باکوری کوردستان دۆزرانەوە.


دوای نزیکەی هەفتەیەک لە بێسەروشوێن بوونیان، تەرمی پێنج کۆڵبەر لەسەر سنوری نێوان رۆژهەڵات و باکوری کوردستان دۆزرانەوە.

سەعید خەتیبزادە وتەبێژی وەزارەتی دەرەوەی ئێران رایگەیاندووە، تەرمی ئەو کۆڵبەرانە لە دیوی سنوری تورکیاوە دۆزراونەتەوە و دەگەڕێنرێنەوە بۆ زێدی خۆیان.

باسی لەوەشکردووە، ئەو کۆڵبەرانە لە سنوری تورکیا کەوتوونەتە ژێر هەرەسی بەفرەوە.

ئەو کۆڵبەرانە خەڵکی گوندی کورانی سەر بە ناوچەی سۆمای سەر بە پاڕیزگای ورمێن و ماوەی هەفتەیەک بوو بێسەروشوێن بوون.

ساڵانە جیا لەوەی دەیان کۆڵبەر بە تەقەی راستەوخۆی هێزە چەکدارەکانی ئێران و تورکیا دەکرێنە ئامانج، ژمارەیەکیشیان بەهۆی هەرەسی بەفر و کەوتنەخوارەوە لە بەرزایی و مینەوە گیان لەدەستدەدەن.