سەردێڕ:

بەڕێوەبەری دەروازەی نێودەوڵەتی پەروێزخان و گومرگی گەرمیان دەستگیرکران

فۆتۆ: 
2021-01-24

3354 جار خوێندراوەتەوە

سەرچاوەیەکی تایبەت لە ئیدارەی گەرمیاندا بە ئێن ئاڕ تی راگەیاند، بەڕێوەبەری دەروازەی نێودەوڵەتی پەروێزخان و بەڕێوەبەری گومرگی گەرمیان بە "تۆمەتی ساختەکاری" دەستگیرکران.


سەرچاوەیەکی تایبەت لە ئیدارەی گەرمیاندا بە ئێن ئاڕ تی راگەیاند، بەڕێوەبەری دەروازەی نێودەوڵەتی پەروێزخان و بەڕێوەبەری گومرگی گەرمیان بە "تۆمەتی ساختەکاری" دەستگیرکران.

سەرچاوەیەکی تایبەت لە ئیدارەی گەرمیاندا بە ئێن ئاڕ تی رایگەیاند، "هەریەک لە عەلی تۆفیق بەڕێوەبەری دەروازەی سنوریی نێودەوڵەتی پەروێزخان و حسێن ئەحمەد بەڕێوەبەری گومرگی گەرمیان لە دەستگیرکراون."

ئەوەش خراوەتەڕوو، دەستگیرکردنەکە پاش ئەوەبووە، کە ئەمڕۆ یەکشەممە، لەبەردەم دادوەردا ئامادەبوون و وتەکانیان لێوەرگیراوە.  

باسی لەوەشکردووە، ئەو بەرپرسانە بەپێی ماددەی ١٩٤ی یاسایی گومرگی عێراقییە راگیراون، کە تیایدا باس لە، 'کاری ساختەکاری و داخڵکردنی باری قاچاخ' دەکات.  

هاوکات، ئێن ئاڕ تی پەیوەندی بە وتەبێژی پۆلیسی گەرمیانەوە کرد، بەڵام ئامادەنەبوو هیچ زانیارییەک لەسەر ئەو بابەتە بخاتەڕوو.

پێشتر، لەلایەن دادگای قورەتووەوە، بە تۆمەتی رێگەدان بە هاتنەناوەوەی باری قەدەغەکراو، فەرمانی دەستیگیرکردن بۆ هەریەکە لە بەڕێوەبەری دەروازەی پەروێزخان و بەڕێوەبەری گومرگی گەرمیان دەرچوو.

ئەوەش لە کاتێکدایە، ئەو بەرپرسانە پێشتر، لەکارەکانیان دوورخراونەتەوە و کەسی دیکە لەجێیان دانراوە، بەڵام پاش تێپەڕینی دوو مانگ، خراونەتەوە سەر کارەکانیان.

گەرمیان حەمەیپور، گەرمیان