سەردێڕ:

مامۆستایەکی زانکۆی هارڤارد: ئەمریکا پاڵپشتی هەر رێککەوتنێکی بەغدا و هەولێرە

فۆتۆ: 
2021-01-23

2228 جار خوێندراوەتەوە

مامۆستایەکی زانکۆی هارڤاردی ئەمریکی لە ئێن ئاڕ تی'یەوە رایگەیاند، ئەمریکا پاڵپشتی لە هەر رێککەوتنێک دەکات کە بەغدا و هەولێر ئەنجامی بدەن، دەشڵێت، "ئەمریکا لەوە دەترسێت عێراق جارێکی تر ببێتە لانکەی شەڕوئاڵۆزی لەلایەن ئێرانەوە."


مامۆستایەکی زانکۆی هارڤاردی ئەمریکی لە ئێن ئاڕ تی'یەوە رایگەیاند، ئەمریکا پاڵپشتی لە هەر رێککەوتنێک دەکات کە بەغدا و هەولێر ئەنجامی بدەن، دەشڵێت، "ئەمریکا لەوە دەترسێت عێراق جارێکی تر ببێتە لانکەی شەڕوئاڵۆزی لەلایەن ئێرانەوە."

ئەیمی ئۆستن مامۆستا لە زانکۆی لە هارڤارد لە میانی بەشداریکردنی لە بەرنامەی تاوتێی ئێن ئاڕ تیدا رایگەیاند، "کورد لە رۆژئاوای کوردستان روبەرووی دۆخێکی دژوار بوونەتەوە لەلایەن تورکیاوە و تورکیا دەیەوێت خراپی دۆخی شنگال بقۆزێتەوە و هێرشبکاتە سەر ناوچەکە، بەڵام ئەمریکا ئەمە قبوڵ ناکات."

ئەوەشی خستەڕوو، "میدیاکان غەدریان لە کورد کردووە کێشەکانیان بچوک نیشانداوە، شنگال پێویستی بە بونیادنانەوەیە نەک دوبارە ببێتە مەیدانی جەنگ."

لەبارەی رۆڵی بایدنیشەوە بەرامبەر بە هەرێم ئاماژەی بەوەکرد، "بایدن دەیەوێت پێگەی عێراق و هەرێمی کوردستان بەهێز بکات لەبەرامبەر وڵاتانی دراوسێیدا و سیاسەتی بایدن جیاوازە بۆ کورد لە ترەمپ و دیموکراتەکان همیشە پاڵپشتی کوردیان کردووە."

دەشڵێت، "ئەردۆغان دەزانێت بایدن دژ بە پاوانخوازی دەسەڵاتەکەیەتی لە ناوچەکەدا."

ئەوەشی خستەڕوو، کە لەو بڕوایەدایە بایدن لە نزیکەوە چاودێری رێککەوتنی نێوان هەرێم و بەغدا دەکات و راشیگەیاند، "بایدن وەکو تڕەمپ نییە کورد پشتگوێ بخات."