سەردێڕ:

ستراتیژیی بایدن بۆ عێراق و جیهان

فۆتۆ: 
2021-01-20

2182 جار خوێندراوەتەوە

لەسەر ئاستی جیهان بە گشتی و عێراق بە تایبەتی چاوەکان لەسەر ئەو سیاسەتەیە، کە بایدن دەیەوێت لە دەرەوەی خاکی ئەمریکا پەیڕەویان بکات.


لەسەر ئاستی جیهان بە گشتی و عێراق بە تایبەتی چاوەکان لەسەر ئەو سیاسەتەیە، کە بایدن دەیەوێت لە دەرەوەی خاکی ئەمریکا پەیڕەویان بکات.

ئەوەش ئاشکرایە کە وەک هەر سەرۆکێکی تری ئەمریکا، ئەم سەرۆکە نوێیەش لە سیاسەتەکانیدا بە پلەی یەکەم بەرژەوەندی وڵاتەکەی رەچاودەکات.

پەیمانگەی واشنتۆن بۆ سیاسەتی رۆژهەڵاتی ناوەڕاست دەڵێت، سیاسەتی واشنتن بە شێوەیەکی سەرەکی بە ئاڕاستەی روسیا و چین دەبێت.

کە لە رووی سیاسیەوە روسیا دەستوەردانی کردووە و چینیش لە رووی بازرگانییەوە زیانی گەورەی بە ئەمریکا گەیاندووە، ئێستاش لەسەر ئاستی جیهان پێش ئەمریکا کەوتووە لە رووی ئابورییەوە و بووەتە پێشەنگ.

لە لایەکی ترەوە جۆ بایدن سەرۆکی هەڵبژێردراوی جەختی کردووەتەوە، وەک ترەمپ سوکایەتی بە هاوپەیمانەکانی ئەمریکا ناکات و دەستی  هەماهەنگی بۆ هاوڕێکانی وڵاتەکەی درێژدەکات.

هاوکات، وەک لە هەڵمەتەکانی هەڵبژاردن بەڵێنی دابوو بە نیازە ئەمریکا بۆ ناو رێککەوتنی ئەتۆمی لەگەڵ ئێران و رێککەوتنی پاریس بۆ گۆڕانکاریی کەشوهەوا بگەڕێنێتەوە.

لەبارەی عێراقیشەوە دیدی ستراتیژیی بایدن هێشتا ناڕوونە و لە پێشینەی پلان و ستراتیژییەکانی نابێت لە رۆژهەڵاتی ناوەڕاستدا، بۆ نمونە لە لێدوانە فەرمییەکانیدا جگە لەوەی وەک خۆی دەڵێت، بەڵێنی کۆتاییهێنانی بە 'جەنگە هەتاهەتاییەکان' داوە و زۆربەی هێزەکانی ئەمریکاش لە سوریا و عێراق پاشەکشە پێدەکات، باسی لە نەهێشتنی هەژموونی ئێران لە عێراق نەکردووە و پلانی ئابوریشی بۆ عێراق رانەگەیاندووە.

لەوبارەوە، شارەزایانی سیاسی پێیانوایە، نواندنی هەر نەرمییەک لەلایەن بایدنەوە بەرامبەر بە تاران، هەژموونی میلیشیا و گروپە چەکدارییەکانی نزیک لە ئێران زیاتر دەکات و لە بەرامبەریشدا دەسەڵاتی حکومەتی بەغدا لاوازتر دەبێت.