سەردێڕ:

پەروەردەی سلێمانی: ١٦ی ئەم مانگە خوێندنی ١٢ی ئامادەیی دەستپێدەکاتەوە

لە هەرێمی کوردستاندا
فۆتۆ: 
2021-01-12

101386 جار خوێندراوەتەوە

بەڕێوەبەری پەروەردەی رۆژهەڵاتی سلێمانی رایگەیاند، رۆژی ١٦ی ئەم مانگە دەوامی پۆلی ١٢ی ئامادەیی دەستپێدەكاتەوە.

تریفە عەبدوڵا، بەڕێوەبەری پەرورەدەی رۆژهەڵات لە سلێمانی بە ئێن ئاڕ تی راگەیاند، وابڕیارە رۆژی شەممە، ١٦ی ئەم مانگە دەوامی پۆلی ١٢ی ئامادەیی لە ناوەندەكانی خوێندنی هەرێمی كوردستان دەستپێبكاتەوە.

هاوكات، ئاشنا عەبدوڵا، ئەندامی لیژنەی پەروەردە لە پەرلەمانی کوردستان بە ئێن ئاڕ تی راگەیاند، تا ئێستا بڕیار لەسەر چارەنوسی خوێندنی ئەمساڵی خوێندكاران نەدراوە و لیژنەی باڵای کۆرۆنا بڕیار لەسەر چارەنوسی خوێندنی ئەمساڵ دەدات.

لەگەڵ ئەوەشدا، بەگوێرەی زانیارییەکان سبەینێ چوارشەممە، ئەنجومەنی وەزیران لەسەر بنچینەی راپۆرتی وەزارەتەکانی تەندروستی و پەروەردە و لیژنە تایبەتمەندەکان، بڕیار لەسەر دەستکردنەوە بە پرۆسەی خوێندن یان درێژکردنەوەی راگیرانەکەی دەدات.