سەردێڕ:

ئاسایشی سلێمانی: تۆمەتباری کوژراو و بریندارەکانی چەمچەماڵ دەستگیرکرا

فۆتۆ: 
2021-01-11

1820 جار خوێندراوەتەوە

بەڕێوەبەرایەتی ئاسایشی رۆژئاوای سلێمانی رایگەیاند، "پاش ئەوەی ئەمشەو لە گەڕەکی راپەڕینی قەزای چەمچەماڵ شەڕ دروست دەبێت لەنێوان دوو کەسدا، بەهۆکاری کێشەی کۆنی کۆمەڵایەتی تۆمەتبار  (ئـ، ک، ع) تەقە لە کەسێک دەکات بەناوی  (ک، خ، ن) گیان لەدەستدەدات و دوو کەسی دیکەش برینداردەکات و هەڵدێت."

ئاماژەی بەوەشکردووە، "دوای کۆکردنەوەی زانیاری لەبارەی تۆمەتبارەکەوە، سەرەنجام لە ناحیەی شۆڕش لە ماوەی کەمتر لە کاتژمێرێکدا دەستگیرکرا."

ئاسایشی رۆژئاوای سلێمانی ئەوەشی خستووەتەڕوو، لە ئێستادا بە بڕیاری دادوەری دادگای لێکۆڵینەوە چەمچەماڵ بەپێی ماددەی ٤٠٦ بڕگەی یەک راگیرەوە و رێکاری یاسایی گیراوەتەبەر  و چەک و ئۆتۆمبێلی تۆمەتبارەکە دەستی بەسەرداگیراوە.