سەردێڕ:

ڤیدیۆ.. فڕۆکەکانی تورکیا سنوری قەزای ئامێدیان بۆردومانکرد

فۆتۆ: 
2021-01-10

2284 جار خوێندراوەتەوە

پەیامنێگری ئێن ئاڕ تی رایگەیاند، پێشنیوەڕۆی ئەمڕۆ فڕۆکەکانی تورکیا گەلی بازێیان لە سنوری دەڤەری بەرواری باڵا لە سنوری ناحیەی کانی ماسی سەر بە قەزای ئامێدی بۆردومان کرد و بەهۆیەوە زیان بە رەز و باخی هاوڵاتیان گەیشتووە.

نیهاد ئورەماری پەیامنێری ئێن ئاڕ تی رایگەیاند، لە نزیک کاتژمێر ١١ی نیوەڕۆی ئەمڕۆ یەکشەممە، فڕۆکەکانی تورکیا دوو جار بۆردومانی گەلی بازێیان کردووە، ئاماژەی بەوەشکردووە، رووداوەکە بووەتە هۆی زیان گەیاندن بە رەز و باخی هاوڵاتیان.

ئەوەشی خستەڕوو، بۆردومانەکە لە نزیک گوند و ماڵی هاوڵاتیاندا بووە و بەوهۆیەشەوە ترس لە هاوڵاتیانی دانیشتووی ئەو ناوچەیە نیشتووە.