سەردێڕ:

سەرۆکی ئەمریکا؛ دەسەڵاتە بێسنورەکانی 'بەهێزترین پیاو لە جیهاندا' چین؟

فۆتۆ: 
2021-01-09

3847 جار خوێندراوەتەوە

"بەهێزترین پیاو لە جیهاندا"، وەسفێکی نوێ نییە بۆ سەرۆکەکانی ئەمریکا، بەڵکو دەربڕینێکە بۆ ئەو پیاوە بەکاردەهێندرێت نەخشەی سیاسەتی نێودەوڵەتی و جیهان دەستنیشاندەکات و رێڕەوی ئابوری جیهان کۆنتڕۆڵدەکات.   

لێرەدا، لە دیارترین دەسەڵاتەکانی ئەو کەسە دەخەینەڕوو کە دەبێتە سەرۆکی گەورەترین وڵات لە جیهاندا -ئەمریکا-، کە دەستوری ئەو وڵاتە بۆی دیاریکردووە.

-سەرپەرشتی جێبەجێکردنی یاساکان لە وڵاتدا دەکات.

-هەموو پۆستەکانی ئیدارەکەیی و وەزیرەکان دەستنیشان دەکات، هاوکات، ئەندامانی دادگای باڵای فیدڕاڵی پاش پەسەندکردنیان لەلایەن کۆنگرێسەوە دادەنێت.

-دەسەڵاتی لێبوردن و وەستاندنی جێبەجێکردنی سزاکانی سەر ئەو کەس و لایەنانەی هەیە بە تاوانی دژایەتیکردنی ئەمریکا سزادراون.

-مافی ڤیتۆکردن وهەڵوەشاندنەوەی هەر یاسایەکی هەیە، جگە لە هەموارکردنەوەی دەستور.

-لەڕووی سەربازییەوە، دەسەڵاتی بێ سنوری بەکارهێنان و جوڵەپێکردن و ئەنجامدانی ئۆپراسیۆنی هەیە، دەسەڵاتی فەرمانکردنی هەیە بە سوپا لەسەر خاکی وڵاتانی دیکە جموجوڵبکەن و دەست بە ئۆپراسیۆنەکانییان بکەن بێ ئەوەی حاڵەتی جەنگ رابگەیەنێت.

-ساڵانە دەتوانێت دەست لە خەرجییە سەربازییەکان وەربدات و پێشنیازبکات و حاڵەتی لەناکاو رابگەیەنێت و سوپا ئامادەبکات.

-ساڵانە و لەماوەی دەست بەکاربوونی وەک سەرۆکی ئەمریکا ٤٠٠ هەزار دۆلار موچەی هەیە، پاش تەواوبوونی ماوەی سەرۆکایەتییەکەی بە بڕی ٢٠٠ ملیۆن دۆلار خانەنشین دەکرێت.

-بەدرێژایی تەمەنی هەڵگری نازناوی "سەرۆک" دەبێت، پاش ئەوەی ماوەی سەرۆکایەتییەکەی تەواوبێت یان لە خولی دووەمی هەڵبژاردنەکاندا سەرکەوتن بەدەست نەهێنێت.

ئەمە لەکاتێکدایە، دەسەڵاتەکانی سەرۆک پشت بە دەستور دەبەستێت و سنوردارە، بەڵام کاریگەرییەکانی دیوارەکانی کۆشکی تێدەپەڕێنێت و سەرجەم دامەزراوەکانی دەوڵەت دەگرێتەوە.