سەردێڕ:

نوێترین لێدوانی ئێران لەبارەی كوشتنی زانا ئەتۆمیەکەوە

فۆتۆ: 
2021-01-07

3193 جار خوێندراوەتەوە

وەزیری بەرگری ئێران رایگەیاند، سەرجەم ئەو كەسانەیان ناسیوەتەوە، كە لە كوشتنی موحسین فەخریزادەدا تێوەگلاون.

ئەمیر حاتەمی وەزیری بەرگری ئێران رایگەیاند، بەڵگەی حاشا هەڵنەگریان هەیە، كە دەیسەلمێنێت ئیسرائیل تێوەگلاوە لە كوشتنی موحسین فەخریزادە زانای ئەتۆمی وڵاتەكەیان.

ئەوەشی خستووەتەڕوو، بەڵگەكان تێوەگلانی دەزگای هەواڵگری ئیسرائیل دووپاتدەكەنەوە و بێدەنگبوونی كۆمەڵگەی نێودەوڵەتیش لەم رووداوە، دەبێتە هۆی دووبارەبوونەوەی تێكدانی ئاسایشی جیهان و ئێرانیش مافی وەڵامدانەوەیان دەپارێزن.

مانگی ١١ی ساڵی رابردوو، موحسین فەخریزادە زانای ئەتۆمی ئێران لە شارۆچكەیەكی نزیک لە تاران لەلایەن چەند چەكدارێكەوە كوژرا.