سەردێڕ:

ئەمڕۆ رۆژى جیهانى بەرکەوتووانى چەکى کیمیاییە

فۆتۆ: 
2020-11-30

508 جار خوێندراوەتەوە

سەرۆکى کۆمەڵەى قوربانیانى کیمیابارانیانى هەڵەبجە ڕایگەیاند،  داواکارین حکومەتى عێراق و هەرێم لەم خەمساردییەى ئێستایان بەرامبەر بریندارانى چەکى کیمیایی راچڵەکێن و بەدەم داواکاریانەوە بچن.

لوقمان عەبدولقادر، سەرۆکى کۆمەڵەى قوربانیانى کیمیابارانیانى هەڵەبجە، بە ئێن ئاڕ تى ڕاگەیاند، "هەمو بریندارانى چەکى کیمیایی لە سەرجەم ناوچەکانى هەرێمى کوردستان بەجۆرێک پشتگوێ خراون کە هیچ هیوایەک نابینرێت لە لایەن بەرپرسانى هەرێم و عێراق بە ئاڕاستەى رووبەڕووبونەوەى ئەو گرفتانەى کە دێنە بەردەم بریندارانى چەکى کیمیایی".

ئاماژەى بەوەشکرد، بریندارانى چەکى کیمیایی لە ئێستادا رووبەڕووى زیاترى سەختى تەندروستى دەبنەوە بە تایبەت لەم کاتەدا کە ڤایرۆسى کۆرۆنا لە جیهاندا بڵاوە و مەترسى جدییە لەسەر ئەو چینە.

ئەوەشى خستەڕوو، "تەندروستى بریندارانى کیمیایی لە دۆخێکى زۆر سەختدایە و داواکارین حکومەتى هەرێم و حکومەتى عێراق بە تایبەتى ئەوەى پێویستە بیکەن بۆ برینداران بە ئەرکى خۆیان هەستن".

ئەوەش دوایی ئەوەدێت، هەموو ڕۆژێکى ٣٠ ى تشرینى دووەمى هەموو ساڵێک لە جیهاندا وەک ڕۆژى جیهانى بەرکەوتانى چەکى کیمیایی دیاریکراوە.