سەردێڕ:

کازمی بوجەی ساڵی ٢٠٢١ رەوانەی ئەنجومەنی وەزیران​ کرد

فۆتۆ: 
2020-11-30

1359 جار خوێندراوەتەوە

سەرۆکوەزیرانی عێراق، پڕۆژە یاسای بودجەی ساڵی ٢٠٢١ رەوانەی ئەمینداریەتی ئەنجومەنی وەزیران کرد، بۆ ئەوە دەستبەجێ وردبینی بۆ بکرێت و دواتر رەوانەی پەرلەمان بکرێت.

ئەمڕۆ دووشەممە، مستەفا کازمی سەرۆکوەزیرانی عێراق پڕۆژە یاسای بودجەی فیدراڵی ساڵی ٢٠٢١ رەوانەی ئەمینداریەرتی ئەنجومەنی وەزیران کرد بە مەبەستی وردبینی کردن.

لەوبارەوە، حەیدەر مەجید وتەبێژی ئەمینداریەتی ئەنجومەنی وەزیران ئاماژەی بەوەکردووە، مستەفا كازمی داوای لە هەریەك لە وەزارەتەكانی ئابوری و پلاندانان كردووە، كە بودجەی ساڵی ٢٠٢١ بەشێوەیەكی خێرا وردبینی تێدا بكەن.

ئەوەشی خستووەتەڕوو، كازمی داوای ئەوەشی لێكردوون كۆبوونەوەیەكی نائاسایی رێكبخەین لەپێناو ئەوەی بەزوویی پرۆژەیاسای بودجەی ٢٠٢١ رەوانەی پەرلەمان بكرێت تا بەزوویی دەنگی لەسەر بدرێت، بەڵام باسی بڕی پارەی بودجە و کورتهێنانەکەی نەکردووە.

ئەوەش لەکاتێکدایە، تاوەکو ئێستا لەنێوان هەرێم و بەغدا رێكکەوت لەسەر پرۆژە یاسای بوجە نەکراوە و شاندی هەرێمیش نەچوونەتە بەغدا.

ئەمەش دوای ئەوە دێت، رۆژی ١٥ی ئەم مانگە، پەرلەمانی عێراق پڕۆژەياسای قەرزی سێ مانگی کۆتایی ساڵی ٢٠٢٠ بەبێ رەزامەندی پەرلەمانتارانی کورد پەسەندکرد و بەپێی پڕۆژە ياساکە، دەبێت هەرێمی کوردستان پابەندبێت بە ناردنی ئەو بڕە نەوتەی کۆمپانيای سۆمۆ دياريدەکات، ھاوکت، تێپەڕاندنی ئەو یاسایە ناڕەزایەتی سێ سەرۆکایەتییەکەی هەرێمی لێکەوتەوە.