سەردێڕ:

لە تەقینەوەیەکدا لە سەرێکانی سێ کەس کوژران

فۆتۆ: 
2020-11-27

923 جار خوێندراوەتەوە

پەیامنێری ئێن ئاڕ تی رایگەیاند، لەئەنجامی تەقینەوەی ئۆتۆمبیلێکی بۆمبڕێژکراوەوە لە سەرێکانی، سێ کەس کوژران و پێنجی دیکەش برینداربوون.

کاوە ئەدهەم پەیامنێری ئێن ئاڕ تی رایگەیاند، سەرلەبەیانی ئەمڕۆ هەینی، ئۆتۆمبیلێکی بۆمبڕێژکراو لە گوندی جەنبی رۆژئاوای شارۆچکەی سەرێکانی رۆژئاوای کوردستان، تەقیەوە و بەوهۆیەشەوە سێ کەس کوژران و پێنجی دیکەش برینداربوون.

باسی لەوەشکردووە، ئەو ئۆتۆمبێلە بۆمبڕێژکراوە بە بارەگایەکی چەکدارانی نزیک لە تورکیا، بەناوی "أحرار الشرقية" تەقیوەتەوە.

ئاماژەی بەوەشکرد، کە لە ئێستادا بارودۆخی ژمارەیەک لە بریندارەکان ناجێگیرە و بەمەبەستی وەرگرتنی چارەسەری پزیشکی رەوانەی نەخۆشخانە کراون.

ئەمەش لەکاتێکدایە، لە ٢٤ی ئەم مانگەشدا، لە ئاکامی دوو تەقینەوەی جیاواز لە هەریەکە لە شارەکانی عەفرین و بابی رۆژئاوای کوردستان، هەشت کەس کوژران و نزیکەی ٤٠ کەسی دیکەش برینداربوون.