سەردێڕ:

نەتەوەیەکگرتووەکان: زیاتر لە سێ ملیار مرۆڤ لە ئاوی خواردنەوەی خاوێن بێبەشن

فۆتۆ: 
2020-11-26

826 جار خوێندراوەتەوە

بەگوێرەی داتای نەتەوە یەکگرتووەکان، زیاتر لە سێ ملیار مرۆڤ لە سەرانسەری جیهاندا لە ئاوی خواردنەوەی خاوێن بێبەشن.

ماڵپەڕی گاردیانی بەریتانی بڵاویکردەوە، کو دۆنگیو بەڕێوبەری گشتی رێکخراوی خۆراک و کشتوکاڵی سەر بە نەتەوەیەکگرتوەکان هۆشداریداوە لەوەی کە زیاتر لە سێ ملیار کەس بەهۆی زیادبوونی خواست و خراپ بەڕێوەبەردنی جیهان و سیستمی کشتوکاڵییەوە، بەدەست کەمئاوی و برسێتییەوە دەناڵێنن.

وتیشی، "پیویستە هەنگاوی جددی و پێویست بگرینەبەر بۆ دابینکردنی ئاوی خواردنەوەی پێویست و هەروەها راگرتنی هاوسەنگی لەنێوان بڕی ئاوی بەردەست و بڕی داخوازی بۆ بەکارهێنانی ئاو لەلایەن خەڵکییەوە".

ئەمەش لەکاتێکدایە، مرۆڤایەتی هاوار و ناڵەی بەدەست ڤایرۆسێکەوەیە (کۆرۆنا) کە لە ماوەی نزیکەی یەک ساڵی بڵاوبوونەوەیدا بووەتە هۆی گیانلەدەستدانی کەمتر لە ملیۆن و نیوێک کەس و لە ئایندەیەکی نزیکیشدا ڤاکسینەکەی بەردەست دەبێت.