سەردێڕ:

مەسرور بارزانی داوای قەرەبووکردنەوەی قوربانیانی دەستی داعش دەکات

فۆتۆ: 
2020-10-25

24887 جار خوێندراوەتەوە

سەرۆکی حکومەتی هەرێم ڕایگەیاند، پێویستە کۆمەڵگەی نێودەوڵەتی هاوکار بێت بۆ دۆزینەوەی میکانیزمێک بۆ قەرەبووکردنەوەی قوربانیانی دەستی داعش و ئاوەدانکردنەوەی ئەو ناوچانەی لە لایەن ئەو رێکخراوەوە وێران کراون و گەڕانەوەی ئاوارەکان بۆ شوێنەکانیان.


سەرۆکی حکومەتی هەرێم ڕایگەیاند، پێویستە کۆمەڵگەی نێودەوڵەتی هاوکار بێت بۆ دۆزینەوەی میکانیزمێک بۆ قەرەبووکردنەوەی قوربانیانی دەستی داعش و ئاوەدانکردنەوەی ئەو ناوچانەی لەلایەن ئەو رێکخراوەوە وێران کراون و گەڕانەوەی ئاوارەکان بۆ شوێنەکانیان.

بەپێی راگەیەنراوێکى حکومەتى هەرێم، مەسرور بارزانی سەرۆکی حکومەتی هەرێمی کوردستان پێشوازی لە کەریم ئەسەد ئەحمەد خان راوێژکاری تایبەتی و سەرۆکی تیمی ڵێکۆڵینەوەی نێودەوڵەتی لە تاوانەکانی داعش کردووە.

لە دیدارەکەدا پرۆسەی دادگاییکردنی تاوانبارانی داعش و پەرەپێدانی هەماهەنگی نێوان دەسەڵاتی دادوەریی هەرێمی کوردستان و حکومەتی فیدراڵی تاوتوێ کراوە.

تیمی لێکۆڵینەوەی نێودەوڵەتی لە تاوانەکانی داعش بەپێی بڕیارێکى ئەنجومەنى ئاسایش لەساڵى ٢٠١٧ دامەزراوە و کارى پشتگریکردنە لە هەوڵە ناوخۆییەکان بۆ لێکۆڵینەوە و دۆکۆیومێنتکردنى تاوانەکانى رێکخراوى داعش.