سەردێڕ:

مەسرور بارزانی: ٤٢ پرۆژەی نیشتەجێبوونی هەرزان دروستدەکەین

فۆتۆ: 
2020-10-22

33203 جار خوێندراوەتەوە

سەرۆکی حکومەتی هەرێمی کوردستان رایگەیاند، دەیانەوێت نرخی شوێنی نیشتەجێبوون بۆ خەڵک هەرزان بکەن، لەبەر ئەوەش وەبەرهێنان لە پرۆژەکانی نیشتەجێبوون لە سەرانسەری هەرێمی کوردستاندا دەکەن.


سەرۆکی حکومەتی هەرێمی کوردستان رایگەیاند، دەیانەوێت نرخی شوێنی نیشتەجێبوون بۆ خەڵک هەرزان بکەن، لەبەر ئەوەش وەبەرهێنان لە پرۆژەکانی نیشتەجێبوون لە سەرانسەری هەرێمی کوردستاندا دەکەن، دەشڵێت، "بە بودجەی ٣٣٢ ملیۆن دۆلار ٤٢ پرۆژەی نیشتەجێبوونی هەرزان دروستدەکەین."

مەسرور بارزانی سەرۆکی حکومەتی هەرێمی کوردستان لە تویتێکدا ئاماژەی بەوەکردووە، "دەمانەوێت نرخی شوێنی نیشتەجێبوون بۆ خەڵک هەرزان بکەین، لەبەر ئەوەشە وەبەرهێنان لە پرۆژەکانی نیشتەجێبوون لە سەرانسەری هەرێمی کوردستاندا دەکەین"، دەشڵێت، بە بودجەی ٣٣٢ ملیۆن دۆلار ٤٢ پرۆژەی نیشتەجێبوون و بیناسازییان خستووەتەگەڕ.

باسی لەوەشکردووە، "ئەمە وادەکات شوێنەکانی نیشتەجێبوون نرخیان بۆ هاوڵاتیانی هەرێمی کوردستان گونجاوبێت و ژیانێکی شەرەفمەندانە بژین."

رۆژی ١٥ی ئەم مانگەش، مەسرور بارزانی هەر لە تویتەری خۆی بڵاویکردەوە، هەرێمی کوردستان وەبەرهێنان دەکات بۆ داهاتوو بەڕووی وزەی پاکتر و هەرزانتر، ئەوەش دەکرێت ببێتە سێکتەرێکی گەورە لە گەشەسەندنی ئابوریی هەرێمی کوردستان.