سەردێڕ:

لە هەولێر لە رووداوێکی هاتوچۆی دەگمەندا کەسێک گیانیلەدەستدا

فۆتۆ: 
2020-10-17

11644 جار خوێندراوەتەوە

وتەبێژی هاتوچۆی هەولێر رایگەیاند، لە رووداوێکی هاتوچۆدا لە پارکێکی هەولێر ئۆتۆمبێلێکی شەحن خۆی بە ژنێکدا کێشا و بەهۆیەوە ژنەکە گیانی لەدەستدا.

فازڵ حاجی وتەبێژی هاتوچۆی هەولێر رایگەیاند، "رووداوێکی هاتوچۆی ناوازە روویداوە، کە ئێوارەی ئەمڕۆ، لە پارکی سامی عبدالرحمان، ئۆتۆمبێلێکی شەحن کە سەردانیکەران بەکرێی دەگرن بۆ گەڕان لەناو پارک خۆی بە ژنێکدا کێشاوە و بەهۆیەوە ژنەکە گیانی لەدەستداوە."

ئاماژەی بەوەشكردووە، "ئەو کەسەشی ئۆتۆمبێلەکەی لێخوڕیوە منداڵێکی ١٢ ساڵان بووە."

لە ماوەی رابردوودا وته‌بێژی هاتوچۆی هه‌رێم رایگەیاند، له ‌ساڵی رابردوودا زیاتر له‌ چوار هه‌زار ‌و ٤٠٠ رووداوی هاتوچۆ له ‌هه‌رێمی كوردستاندا روویانداوە و به‌هۆیانه‌وه‌ ٥٧٥ كه‌س گیانیان له‌ده‌ستداوه و زیاتر له ‌شه‌ش هه‌زار ‌و ٨٠٠ كه‌سیش بریندار بوون.