سەردێڕ:

ساڵح موسلیم لەبارەی چارەنوسی دەوڵەتی تورکیاوە دەدوێت

فۆتۆ: 
2020-09-28

13410 جار خوێندراوەتەوە

ئەندامی دەستەی هاوسەرۆکایەتی پارتی یەکێتی دیموکرات دەڵێت، هێرشەکانی تورکیا دەبنە هۆی هەڵگیرسانی جەنگی ناوخۆیی و ئامانجیش لێی نەتەوەی کوردە، کە ئەمەش دەبێتە هۆکارێک بۆ داڕمانی ئەو دەوڵەتە.

ئەمڕۆ دووشەممە، ئاژانسی هەواڵی هاوار لێدوانێکی رۆژنامەوانی ساڵح موسلیم ئەندامی دەستەی هاوسەرۆکایەتی پارتی یەکێتی دیموکراتی بڵاوکردەوە و تێیدا ساڵح موسلیم باس لەوەدەکات، "هەڵمەتی پاکتاوکردنی سیاسی کە دەسەڵاتدارانی تورکیا جێبەجێیدەکەن دژی پەرلەمان و پارتی دیموکراتی گەلان و چالاکییەکانی رێکخراوەکانی ژنانەدەشڵێت، "دەوڵەتی تورکیا هەوڵدەدات لەڕێگەی ئەم رەفتارانەیەوە گەلی کورد و دیموکراتی لەناوبەرێت".

باسی لەوەشکردووە، "تورکیا سیستمێکی دیکتاتۆری لەسەر عەقڵیەتێکی فاشیستی دامەزراندووە، هەموو گروپە مافیاکان ئەمڕۆ لە لوتکەی هەڕەمی دەسەڵاتدان، تاکە حزبێک لەپێناو دیموکراتیدا بجەنگێت لە ئەمڕۆدا پارتی دیموکراتی گەلانە".

ئاماژەی بەوەشکردووە، "دەسەڵاتدارانی تورکیا هیچ کات دەستیان نەپاراستووە لە بە ئامانجگرتنی هەدەپە و هەر هەلێکیان بۆ هەڵکەوتبێت دەستی خۆیان وەشاندووە".

هاوکات ئاماژەی بەوەشکردووە، "لە ئێستادا ژمارەیەک لە پەرلەمانتار و ئەندامانی هەدەپە بەبێ دادگاییکردن زیندانی کراون و ئەمەش دژی یاسایە و دەوڵەتی تورکیا بەردەوامە لە پاکتاوکردنی گەلی کورد."

لەبەردەوامی لێدوانەکەیدا ساڵح موسلیم دەڵێت، "تورکیا گەیشتووەتە قۆناغێک ناتوانی بەبێ رشتنی خوێن تێیدا بژی، ئەمەش نیشانەی داڕوخانە و قۆناغێکی مەترسیدارە، پێویستە میللەتی کورد وریابێت بەرامبەر بەمە و دەستکەوتەکانی بپارێزێت، چونکە ئەگەر تورکیا لە پلانەکانیدا سەرکەوتووبێت ئەمە بەواتای لەناوبردنی کورد و دیموکراتی دێت لە رۆژهەڵاتی ناوەڕاستدا."